මාධ්‍ය නිදහස සදහා වන ‘රීගා ප්‍රකාශනය‘ | Riga Declaration

Towards Better Reporting, Gender Equality and Media Safety in the Digital Age යන තේමාවෙන් යුතුව ලෝක නිදහස් මාධ්‍ය සදහා වන දිනය පසුගිය මැයි 02 සිට 04 දක්වා ලැට්වියා හි රීගා නගරයේදී පැවත්වීය. යුනෙස්කෝ විසින් සංවිධානය කරන ලද එම ජාත්‍යන්තර සමුලුවේ දී යුනෙස්කෝ ව විසින් වාර්ෂිකව පිරිණැමෙන ‘UNESCO/Guillermo Cano‘ ජාත්‍යන්තර මාධ්‍ය නිදහස සදහා වන සම්මානය ද පිරිණැමීම සිදු කල අතර එම සම්මානයට මෙවර සුදුසුකම් ලැබූවේ සිරියාවේ ජනමාධ්‍යවේදියෙක් සහ මානව හිමිකම් ක්‍රියාකාරිකයෙක් වන මසීන් ඩාවිෂ් ට(Mazen Darwish) ය. මසීන් ඩාවිඩ් 2012 වසරේ සිට සිරියානු ආණ්ඩුව විසින් සිරගත කර සිටින අතර යුනෙස්කෝ සම්මානය ඔහු වෙනුවෙන් ලබා ගැනීමට පැමිණ සිටියේ ඔහුගේ බිරිද වන යාරා බාඩර්(Yara Bader) ය.

700

එම ජාත්‍යන්තර සමුලුවේදී ජනමාධ්‍ය නිදහසට අදාල ‘රීගා ප්‍රකාශණය‘(Riga Declaration) නමින් ප්‍රකාශණයක් නිකුත් කළ අතර එය ලෝකයේ ජනමාධ්‍ය නිදහස ඇතිකිරීමත් ඒ තුළින් සෑම රටක් තුළම මානව හිමිකම් සහ ප්‍රජාතන්ත්‍රීය වටිනාකම් රෝපණය කිරීමටත් ඉවහල් වනු ඇති බවට සමුලුවේ අදහසක් විය.

රටවල් 81ක, 500කට අධික සහභාගිකයන් ප්‍රමාණයක් සහභාගී වූ එම සමුලුවේ දී නිකුත් කරන ලද ‘රීගා ප්‍රකාශණය‘(Riga Declaration)හි සිංහල(Sinhala) අනුවාදය පහතින් පළ කරමු.

700x

රීගා ප්‍රකාශනය | Riga Declaration

ලෝක නිදහස් මාධ්‍ය සදහා වන දිනය පිළිබඳ ජාත්‍යන්තර සම්මන්ත්‍රණය

2015 මැයි 02 සිට 04 දක්වා

2015 මැයි 02 සිට 04 දක්වා ලැට්වියා, රීගා හි ජාතික පුස්තකාලයේදී Unesco 70 වෙනි සංවත්සර සැමරුමට සමගාමීව පවත්වනු ලැබූ යුනෙස්කෝ ව විසින් සංවිධානය කරන ලද ‘ලෝක නිදහස් මාධ්‍ය සදහා වන දිනයේ‘ ජාත්‍යන්ත්‍රණ සම්මන්ත්‍රණයට සහභාගී වන අප..

– විශ්ව මානව අයිතිවාසිකම් ප්‍රකාශනයේ 19 වන වගන්තිය සිහිපත් කරමින්, “සෑම අයෙකුටම මතවාදයක් දැරීමේ හා ප්‍රකාශනයේ අයිතිය ඇති බව ද, එම අයිතිය යටතේ බාධාවකින් තොරව මතවාදයක් දැරීමේ නිදහස ද අයත්වන පෙරමුණ පිළිබඳව කොන්දේසියකින් තොරව සියළුම මාධ්‍යන් හරහා තොරතුරු හා අදහස් සෙවීමේ, ලබාගැනීමේ, බෙදාගැනීමේ නිදහස ද ඇතිබව” පිළිගනිමු.

– ඕනෑම මාධ්‍ය වේදිකාවකට ප්‍රකාශනයේ නිදහස හිමි වීම යනු සාම සංස්කෘතියක් ඇතුළු තිරසාර මානව සංවර්ධනයක් ගොඩනැගීම පහසු කරන සාධකයක් බව පිළිගනිමු.

– Online හෝ Offline මාධ්‍ය නිදහසේ ගලායාම හා තොරතුරු දැනගැනීමේ අයිතිය ශක්තිමත් කෙරෙන ප්‍රකාශනයේ අයිතිය, ප්‍රජාතන්ත්‍රවාදය, සමාජ සමානාත්මතාවය මෙන්ම අනිකුත් මානව හිමිකම් බුක්ති විඳීමටද ආර්ථික වර්ධනයට ද සුභසාධනයට ද අවශ්‍ය කෙරෙන මධ්‍යස්ථ සාධකයක් බව විශ්වාස කෙරේ.

– මහජනතාවගේ තොරතුරු දැනගැනීමේ අයිතිය වෙනුවෙන් තම පුද්ගලික ආරක්ෂාව පවා පරදුවට තබමින් ක්‍රියා කරන මාධ්‍යවේදීන්ට (වැඩ කරන සන්දර්භය කුමක් වුවත්.) ගෞරව කරමු.

– 2015 වසර බීජින් ප්‍රකාශනයේ 20 වන සැමරුම බවත් “මාධ්‍ය හා සන්නිවේදනය ගැන වූ නව තාක්ෂණයන් තුළින් ද ඒ හරහා ද කටයුතු කිරීම මගින් කාන්තාවන්ට ප්‍රකාශනයේ නව මාර්ග විවර කරගැනීම හා ඔවුනගේ සහභාගීත්වය දියුණු කිරීම සඳහා” මෙන්ම “මාධ්‍ය තුළ කාන්තාව පිළිබඳව සමබර, අගතිගාමී බවින් තොර, ප්‍රතිරූපයක් වෙනුවෙන් ක්‍රියාත්මක වීම සඳහා” ද ක්‍රියාකාරී වේදිකාවක් සඳහා ජාත්‍යන්තරය ඇමතූ අවස්ථාව බවත් වැඩිදුරටත් සිහිපත් කරමු.

– එක්සත් ජාතීන්ගේ මානව අයිතිවාසිකම් පිළිබඳ කවුන්සිලයේ A / HRC / 27 / 5 ප්‍රඥප්තියේද , එක්සත් ජාතීන්ගේ මහා සභාවේ A / RES/ 69 /185 ප්‍රඥප්තියේද , එක්සත් ජාතීන්ගේ ආරක්ෂක කවුන්සලයේ 1738 ප්‍රඥප්තියේද, ‘මාධ්‍යවේදීන්ගේ නිදහස පිළිබඳ දර්ශකය’ වැනි විවිධ ක්‍රියාකාරකම් හරහා යුනෙස්කෝව සම්බන්ධීකරණය කරමින් සිටින යුනෙස්කෝවේ විධායක මණ්ඩල තීන්දු 196 Ex / Decision / 31 මෙන්ම මාධ්‍යවේදීන්ගේ ආරක්ෂාව හා අපරාධකරුවන් දඬුවමින් මුක්ත වීමේ කාරණය නැතිනම් වරදකර දඩුවම් නොළබා සිටීමේ තත්ත්වයන්(Impunity) පිළිබඳ ක්‍රියාකාරී සැළැස්මේ ද සඳහන් වන පරිදි, “සියළු දෙනාගේ ප්‍රකාශනය පිළිබඳ අයිතිය රැඳී පවත්නේ මාධ්‍යවේදීන්ගේ ආරක්ෂාව මත බවත් ඔවුනට විරුද්ධව වන අපරාධ දඬුවමින් මුක්ත වීම වැළකීම මත” බවත් තේරුම් ගනිමු.

– ජාත්‍යන්තර සංවිධාන, පවතින රජයන්, මාධ්‍ය සහ අනිකුත් ක්‍රියාධරයින් මාධ්‍යවේදීන්ගේ ආරක්ෂාව ශක්තිමත් කිරීමට එක්ව ක්‍රියා කළ යුතු බවටද ඔවුනට පහරදෙන්නන් පිළිබඳව වගකීමකින් කටයුතු කළ බවද තරයේ ප්‍රකාශ කරමු.

– 21 සියවසේ මාධ්‍ය සඳහා වොෂිංටන් ප්‍රකාශනය : නව පෙරමුණු , නව බාධක හා මාධ්‍ය නිදහස සඳහා පැරිස් ප්‍රකාශනය : 2015 පසු සංවර්ධන න්‍යාය පත්‍රය පිළියෙල කිරීම වැනි මින් පෙර ප්‍රකාශයට පත් වූ ලෝක නිදහස් මාධ්‍ය සදහා වන දින ප්‍රකාශයන්හි ප්‍රතිපත්තීන් හා නිර්දේශයන් පිළිගනිමු.

– 2015 පසු ගෝලීය සංවර්ධන න්‍යාය පත්‍රය පිළිබඳ සාකච්ඡාවේ අවසන් අදියරට ප්‍රකාශනයේ නිදහසෙහි වැදගත්කම පිළිබඳව අවධානය යොමු කිරීම සඳහා එක්වීමට අවස්ථාව ලැබීම වැනි සුවිශේෂී සංධිස්ථානයක 2015 ලෝක නිදහස් මාධ්‍ය සදහා වන දිනය සැමරීමේ භාග්‍ය සනිටුහන් කරමු.

මේ කරුණුවලට අදාලව අප ප්‍රකාශ කර සිටිනුයේ :

1. ප්‍රකාශනයේ නිදහස, පුවත් නිදහස, තොරතුරු දැනගැනීමේ අයිතිය මනුෂයාගේ මූලික අයිතීන් බව හා තිරසාර සංවර්ධන අරමුණු ඇතුලු අනිකුත් සියළුම මානව අයිතිවාසිකම් භුක්ති විඳීමට ඉන් පහසුකම් සැපයෙන බවත්ය.

2. මූලික නිදහස, තොරතුරු ලබාගැනීමට ඇති මාර්ග, නීතියට අනුව පාලනය වැනි සුවිශේෂී ඉලක්කයන් සහිත යෝජිත “තිරසාර සන්වර්ධනය / අරමුණ 16” ක්‍රියාත්මක කිරීම සඳහා මාධ්‍යවේදීන්ගේ ආරක්ෂාව හා අපරාධ කරුවන් දඬුවමින් නිදහස් වීම(Impunity) යන කාරණා සෘජුවම සම්බන්ධ බවත්ය.

3. නිසි මාධ්‍ය භාවිතය නීතියේ පාලනයට, දූෂනයට එරෙහි නැගී සිටීමට, ප්‍රතිපත්ති පිළිබඳ විවාදයන්ට අනුබල දීමට, විනිවිද භාවය සමාජයේ ගැඹුරට ගෙන යාමට, පුරවැසියාට පැහැදිලි තීන්දු ගැනීමට හැකියාවක් ඇතිකර ගැනීමට උපකාර වන අතර එමගින් පොදු කටයුතු වලදී ක්‍රියාකාරීව සහභාගි වීමට ඔවුන්ව පොළඹවයි.

4. දිළිඳු බව සහ සමාජ අසමානත්වයෙන් මිදීමට මෙන්ම තිරසාර සංවර්ධනයක ඉදිරියට යාම සඳහා තත්වයෙන් උසස් විශ්වාසනීය තොරතුරු ලබාගැනීමේ මගක්ද ජනතා හඬට මෙන්ම විවිධ මතවාදයන්ට විවෘත වූ වේදිකාවක්ද පුරවැසියන්ට අවශ්‍ය වේ.

5. ස්ත්‍රී පුරුෂ දෙපාර්ශවයටම සමානව මාර්ග විවර විය යුතු අතර මාධ්‍ය තුළද මාධ්‍ය සමගද තීන්දු ගැනීමේ ක්‍රියාවලීන්හිදී ප්‍රකාශයන් කිරීමටද සහභාගි වීමටද සමාන අවස්ථා ලැබිය යුතුය. තවද සමබර, අගතිගාමී නොවන, ඉදිරිපත් කිරීම් සඳහා අයිතිය තිබිය යුතුය.

6. පෙරමුණු භේදයකින් තොරව ඕනෑම කෙනෙකුට තොරතුරු හා මතයන් සෙවීමට, ලබාගැනීමට හා බෙදා ගැනීමට ඇති හැකියාව බලගැන්වීම සහතික කිරීම සඳහා මාධ්‍ය හා තොරතුරු පරිහරණයේ සාක්ෂරතාව දියුණු කළයුතු අතර විවෘත මනසක් හා විචාරශීලී සිතීමේ හැකියාවක් අවශ්‍ය විය යුතුය.

එබැවින් යුනෙස්කෝ සාමාජික රටවලින් අප ඉල්ලා සිටින්නේ,

01.ප්‍රකාශනයේ නිදහස ඉතා වැදගත් කාර්ය භර්යක් ඉටු කරනා බවට ද සිවිල්, දේශපාලනික, ආර්ථික, සමාජීය හා සංස්කෘතික, අයිතිවාසිකම් දියුණු කිරීම සඳහා නිදහස්, ස්වාධීන, බහුවිධ මාධ්‍ය භාවිතාවක(Pluralistic news media play) අවශ්‍යතාව අනිවාර්ය බවට සහතික වීමටයි.

02. මාධ්‍යයෙහිත් මාධ්‍ය සේවයෙහිත් ස්ත්‍රී පුරුෂ නියෝජනය යහපත් කිරීම සඳහා ලිංගික වෙනස් බව සඳහා ඉඩ ලබාදෙන මාධ්‍ය භාවිතයන් නිර්මාණය කිරීම වැනි ධනාත්මක වටිනාකම් එකතු කිරීම සහ සම වැටුප් මෙන්ම ස්ත්‍රී පුරුෂ දෙපාර්ශවටම පහසු සුදුසු වැඩ පරිසරයක් නිර්මාණය කරන ලෙසටයි.

03. මාධ්‍යවේදීන්ගේ ආරක්ෂාව තහවුරු කෙරෙන නීතිමය හා ආයතනික පරිසරයක් ඇති කිරීම සඳහා තම කැපවීම නැවත තහවුරු කරන ලෙසටයි.

04. මාධ්‍යවේදීන්ට එරෙහිව කෙරෙන සියලු අඩන්තේට්ටම් හෙලා දැකීම හා එවන් අපරාධයන්ට එරෙහි ස්වාධීන, සීග්‍ර හා ඵලදායී විමර්ශනයන් සිදුවන බවටත් ඊට එරෙහි පියවර ගන්නා බවටත් සහතික වන ලෙසට හා මාධ්‍යවේදීන්ගේ ඝාතනයන් සම්බන්ධ විමර්ෂණ පිළිබඳ තොරතුරු යුනෙස්කෝ අධ්‍යක්ෂ ජෙනරාල්වරයාගේ ඉල්ලීමට අනුව කාලයට අදාලව, පරිපූර්ණ ප්‍රතිචාරයක් ස්වේච්ඡාවෙන් ලබාදෙන ලෙසයි. මෙය සංවිධානයේ තොරතුරු හුවමාරුව වර්ධනය කිරීමෙන් ජාත්‍යන්තර වැඩසටහන පිළිබඳව වූ තීන්දුව හා බැන්දේ.

05. අයිතිය හා මුදල් අයෝජනයන් පිළිබඳ විනිවිදභාවයෙන් යුක්ත වූ ස්වාධීන මාධ්‍ය විවිධත්වයක් තහවුරු කරන ලෙසටයි.

06. ආර්ථික, දේශපාලන, හා අනිකුත් බලපෑම් වලින් නිදහස් වූ ස්වාධීන මාධ්‍යවේදීන් හා කර්තෘ මණ්ඩල අයිතිය තහවුරු වන වැඩපිළිවෙලක් වෙනුවෙන් සහයෝගය දක්වන ලෙසටයි.

07. මාධ්‍යවේදීන්ට තත්වයෙන් ඉහළ පුහුණුවීම් හා අධ්‍යාපනයන් ලැබෙන අවස්ථාවන් සලසා දෙන ලෙසටත් මාධ්‍ය තිරසාරත්වය, වෘත්තීය භාවය ඇති කරන දිගුකාලීන වැඩපිළිවෙලක කොටසක් ලෙස මාධ්‍ය හා තොරතුරු සාක්ෂරතාවය වැඩි දියුණු කිරීමට සහය දක්වන ලෙසයි.

08. සමීප නිරීක්ෂණයන්හි යෙදෙන හා දත්ත එක් රැස් කරන රජයන් මාධ්‍යවේදීන්ගේ රහස්‍ය භාවය ආරක්ෂා කරමින් ඔවුනගේ පුද්ගලිකත්වය රැකදෙන ලෙසයි.

එබැවින් අප මාධ්‍යවේදීන්ගෙන් වෘත්තිකයින්ගෙන් හා අනිකුත් ආධාර ආයතනයන්ගෙන්, මාධ්‍ය ආයතන වලින්, මාධ්‍ය ජාල භාවිතා කරන්නන්ගෙන් හා සමාජ ජාල මාධ්‍ය කරුවන්ගෙන් ඉල්ලා සිටින්නේ,( Call on journalists, professional and support associations, media outlets, internet intermediaries and social media practitioners:)

01. ප්‍රජා මාධ්‍ය හා කුඩා මාධ්‍ය ආයතන වැනි ප්‍රාදේශීය ප්‍රවෘත්ති ආයතනයන්හි තීන්දු ගන්නා අය විසින් ක්‍රියාවට නංවනු ලැබූ මාධ්‍යවේදීන්ගේ ආරක්ෂාව පිළිබඳ ක්‍රියාකාරකම් වැනි දේ කෙරෙහි යහපත් ප්‍රතිචාර දක්වන ලෙසයි.

02. මාධ්‍යවේදීන්ගේ ආරක්ෂාව හා අපරාධකරුවන් නිදහස් වීමේ කාරණය පිළිබඳව එක්සත් ජාතීන්ගේ ක්‍රියාකාරී වැඩසටහනට සහයෝගය දක්වන ලෙසටත් සමගාමීව සිදුකෙරෙන ක්‍රියාකාරකම් වලදී එකිනෙකා හා සුහදව කටයුතු කරන ලෙසත්ය.

03. තම ක්‍රියාකාරකම් වලදී ප්‍රමාණයන් හා තත්වයන් මැන බැලීමට මාධ්‍යවේදීන්ගේ ආරක්ෂාව පිළිබඳ දර්ශකය භාවිතා කිරීමත් පිළිබඳව සළකා බලන ලෙසයි.

04. කාර්ය මණ්ඩලයේත් නිදහස් මාධ්‍යවේදීන්ගේත් ආරක්ෂාව සඳහා එකම ප්‍රතිපත්ති අනුගමනය කරන ලෙසත් 2015 පෙබරවාරියේදී සංවිධාන කිහිපයක් විසින් ඇතිකරගන්නා ලද ගෝලීය ආරක්ෂක ප්‍රතිපත්ති හා ක්‍රියාකාරකම් භාවිතා කිරීම පිළිබඳ සළකා බලන ලෙසයි.

05. අත්හැරදමනු ලැබූ ප්‍රජාවන්ගේ, සමාජ මාධ්‍ය හරහා හිරිහැරයට පත් වූවන්ගේ ආයතනික හෝ විවෘතව වෙනස් විදියේ පීඩාවන්ට ලක් වූවන්ගේ හඬ වෙනුවෙන් ක්‍රියා කරන මාධ්‍යවේදීන් උනන්දු කරන ලෙසයි.

06. ස්ත්‍රී පුරුෂ සමාජානුයෝජනය පිළිබඳ සන්වේදනය වන පුහුණු වැඩසටහන්, වාර්ථා වැඩසටහන් ආදිය සඳහා ප්‍රතිපත්ති ගොඩ නැගීම, ප්‍රවෘත්ති නිපදවන්නන් හා පුවත් ලබාදෙන්නන් ලෙස කාන්තාවන් කෙරෙහි වැඩි අවධානයක් ලබාදීම, ස්ත්‍රී පුරුෂ වැඩ බෙදීමේදී වැඩපලේ හා නිවසේ වගකීම් සමබර කරගැනීමට හැකිවන සේ සැළකිළිමත් වීම වැනි දේ හරහා ප්‍රවෘත්ති මැදිරියේදී හා පුවත් ආවරණ කටයුතු වලදී ලිංගික සමානාත්මතාවයට උපකාරී වන ක්‍රියාමාර්ග ගන්නා ලෙසයි.

තව අප යුනෙස්කෝවෙන් ඉල්ලා සිටින්නේ:

01. 2015 පසු සංවර්ධන සැළසුම පිළිබඳ ක්‍රියාවලියේදී ප්‍රකාශනයේ නිදහස, ජනතාවට තොරතුරු ලබාගැනීමට ඇති මාර්ග විවෘත කිරීම, මාධ්‍යවේදීන්ගේ ආරක්ෂාව හා ඒ සමග බැඳී ඇති අපරාධකරුවන් නිදහස් කිරීම වැනි කරුණු පිළිබඳ වැදගත් කම තවදුරටත් මතු කරන ලෙසයි.

02. යහපාලනය හා නීතියේ ආධිපත්‍ය සඳහා මූලික කොන්දේසි වන නිදහස් ස්වාධීන බහුවිද මාධ්‍ය භාවිතාවක් සඳහා අනුබල දෙන ලෙසයි.

03. මාධ්‍යවේදීන්ගේ ආරක්ෂාව සහ අපරාධකරුවන් නිදහස් වීමේ තත්වය පිලිබඳව නියමිත කාල වකවානුවකට අනුව ඒ පිළිබඳ වාර්ථා යවන ලෙසටයි.

04. තවදුරටත් උනන්දුවක් දක්වනා රටවලට එක්සත් ජාතීන්ගේ ක්‍රියාකාරී සැළසුම් වලට අනුව ක්‍රියා කිරීමට ශක්තිය සපයන ලෙසත් එක්සත් ජාතීන්ගේ සියලු ආයතන හරහා (විශේෂයෙන් ජාතික මට්ටමින්.) එක්සත් ජාතීන්ගේ ක්‍රියාකාරී සැළැස්ම ක්‍රියාවට නැංවීමේ සම්බන්ධීකාරක කටයුතු නොකඩවා පවත්වන ලෙසයි.

05. ආරක්ෂාව හා අපරාධයන්ගෙන් නිදහස් වීම(Impunity) පිළිබඳ කාරණා සම්බන්ධයෙන් එක්සත් ජාතීන්ගේ ක්‍රියාකාරී සැළැස්ම බලගැන්වීමට රජයන් උනන්දු කිරීම නොකඩවා කරගෙන යන ලෙස හා ඉහත පූර්විකාවේ සඳහන් එක්සත් ජාතීන්ගේ විවිධ ප්‍රඥප්තීන්ට අනුව ක්‍රියා කිරීමට රටවල් උද්යෝගීමත් කරවන ලෙසයි.

06. මාධ්‍යවේදීන් ගැන විශේෂ අවධානයක් යොමු කරමින් සියළු මාධ්‍යවේදීන්ගේ ආරක්ෂාව පිළිබඳව වෘත්තීමය සංවිධාන හා අනිකුත් බලපෑම් කළ හැකි කොටස් සමග සහයෝගයෙන් කටයුතු කිරීම බලගන්වන ලෙසයි.

07. මාධ්‍යවේදීන්ගේ ආරක්ෂාව පිළිබඳව ඇතුළත්වූ මාධ්‍යවේදය පිළිබඳ අධ්‍යාපනය සඳහා යුනෙස්කෝව විසින් හඳුන්වා දෙනු ලැබූ අධ්‍යාපනික මොඩලය හඳුන්වාදීමට හා දිරිදීමට අවශය සියළු උත්සාහයන් දරන ලෙසත් මාධ්‍ය හා තොරතුරු සාක්ෂරතාව පිළිබඳව වූ යුනෙස්කෝවේ වැඩසටහන් කෙරෙහි විශේෂ අවධානය යොමු කරන ලෙසටයි.

08. මාධ්‍ය සහ මාධ්‍යවේදීන් ආරක්ෂණ දර්ශකයට ලිංගික වෙනස්කම් පිළිබඳව වඩාත් සංවේදී වන දර්ශකයන් ආදේශ කරවන ලෙසයි.

09. සාමාජික රටවල් තුළ, විශේෂයෙන් IPDC ව්‍යාපෘති සහ දකුණ – දකුණ හා උතුර – දකුණ සහයෝගීතා වැඩසටහන්හි හැකියාව වර්ධනය කිරීමේ වැඩසටහන් වලදී පහසුකාරකයන් වන ලෙසටයි.

10. මාධ්‍ය හා තොරතුරු සාක්ෂරතාවයට අනුබල දෙමින්ද සත්‍ය තොරතුරු මත පදනම් වූ විවාදයන් හරහා හා සිවිල් හා දේශපාලනික අයිතීන් සඳහා වූ ජාත්‍යන්තර එකඟතාවයන්ට අනුකූල වෙනස්කම් කිරීමට එරෙහිව කෙරෙන නීති විරෝධී පෙළඹවීම්, සතුරු හා ප්‍රචණ්ඩ හැසිරීම් වැලැක්වීම සඳහා උචිත ලෙස ප්‍රකාශනයේ නිදහස සීමා කිරීම අවශ්‍ය විය හැකි බව අවධාරණය කරමින් වෛරී ප්‍රකාශයන්ට හා පිළිතුරු ලබාදෙන ලෙසයි.

මෙහි නිළ ඉංග්‍රීසි පිටපත සදහා පිවිසෙන්න | English version for Riga Declaration Click

@Sampath Samarakoon | @sampathslk | @vikalpavoices